Asusun yara na Majalisar Ɗinkin Duniya, UNICEF, ya ce zai yi wa yara aƙalla ,miliyan 3.8 allurar riga-kafin ƙyanda a wasu jihohi huɗu na arewacin Najeriya.
Babban jami’in lafiya na hukumar ta UNICEF a Bauchi, Patrick Akor, shi ne ya bayyana haka a wani taron manema labarai jiya Juma’a a Bauchi, inda ya je a yau Asabar za a fara allurar da za a yi tsawon kwana bakwai.
Jami’in ya ce jihohin da za a yi wa yara, ‘yan kusan shekara biyar zuwa shekara tara allurar su ne Adamawa da Bauchi da Gombe da kuma Filato.
Haka kuma Mista Akor ya ce za su yi wa yara riga-kafin cutar shan-inna na ɗigawa a baki a jihohi biyar a arewacin Najeriya.
Jihohin su ne Taraba, da Filato, da Bauchi, da Gombe, da kuma Adamawa, inda ya ce a aikin suna sa ran yi wa yara ‘yan shekara biyar zuwa ƙasa har miliyan 6.8.
Subscribe to Our VIP Newsletter
[newsletter_signup_form id=1]
