Hukumar ilimi da kimiya da raya al’adu ta Majalisar Dinkin Duniya UNESCO ta saka hawan Daba na Kano a cikin jerin abubuwan tarihi na duniya.
Hawan Daban da ake gudanarwa a jihar Kano sau biyu a shekara a yayin bikin Sallah babba da karamar Sallah, ya samu shiga matakin ne bayan kwakwaran nazari kan abubuwan al’ada masu dumbin tarihi da ke tattare da shi.
Mai magana da yawun hukumar ilimi da kimiya da raya al’adu ta Majalisar Dinkin Duniya a Najeriya Hajo Sani ce , ta bayyana cewa bikin na samun dumbin mahalarta daga sassan kabilu daban daban, kama daga Hausawa da Fulani da Yarbawa da Bugaje da ke da zama a kasar Hausa.
A tsakiyar watan Yunin wannan shekarar ta 2024, hukumomin ‘yan sanda a Kano sun dakatar da hawan Daban, bisa abubuwan da suka kira shawo kan matsalolin tsaro mai nasaba da darewar masarautar Kanon gida biyu.
Subscribe to Our VIP Newsletter
[newsletter_signup_form id=1]
