Mai fatan zama shugaban kasa, kuma ministan kwadago da samar da albarkatu, Dakta Chris Ngige, a ranar Laraba a Abuja, ya ce, ba zai mika wuya ga sabon umarnin da kwamitin gudanarwa na jamâiyyar APC ya fitar na tilasta duk wasu masu rike da mukaman siyasa da ke da muradin shiga zaben fidda gwani na watan Mayu, zabe a dukkan matakai ya yi murabus akalla kwanaki 30 kafin gudanar da zaben fidda gwani, saboda bai san irin wannan umarnin ba.
Ngige, wanda ya ci gaba da cewa ba shi da masaniya game da wannan umarni, ya ce hakkinsa ne da kundin tsarin mulkin kasar ya ba shi ya tsaya takarar kujerar mafi girma a kasar.
A cewarsa, tun bayan hukuncin da babbar kotun tarayya da ke Umuahia ta yanke a ranar 18 ga watan Maris ya ci karo da sashe na 84(12) na dokar zabe ta 2022 da aka rattabawa hannu kwanan nan, ba a matsa masa lamba kan ya yi murabus ba.
“Ban sani ba game da hakan. Ina ji a karon farko daga gare ku. Amma kamar yadda koyaushe nake faÉa, za a yi mini ja-gora da wasiĈu da ruhin Kundin Tsarin Mulkin Tarayyar Najeriya.
Subscribe to Our VIP Newsletter
[newsletter_signup_form id=1]
