Tsohon shugaban NYSC ya kuɓuta daga masu garkuwa da mutane

Kafar Channels ce ta ruwaito hakan, inda ta ce tsohon janar ɗin ya kuɓuta ne a ranar Juma’a bayan ya shafe kwana 22 a hannunsu.

Da farko dai ƴanbindigar sun buƙaci naira miliyan 250 ne a matsayin kuɗin fansa kafin su sake shi.

Sai dai babu tabbacin yadda ta kaya kan batun kuɗin fansar har zuwa lokacin haɗa wannan labarin.

An yi garkuwa da tsohon hafsan sojan ne a ranar 6 ga Fabrairun bana a gidansa da ke Tsiga a ƙaramar hukumar Bakori da ke jihar Katsina.