Tsohon mataimakin shugaban jam’iyyar APC mai mulki a yankin Arewa maso Yamma, Salihu Lukman ya bayyana cewa shirin ‘Renewed Hope Agenda’ na Shugaba Bola Tinubu ya rikide zuwa ‘sabuwar fushi’.
Lukman wanda ke mayar da martani kan zanga-zangar da aka yi a Minna da Kano kan tsadar rayuwa, ya bayyana wannan ci gaban a matsayin farkawa ga gwamnatin tarayya.
Ya caccaki Sakataren Yada Labarai na Jam’iyyar APC na Kasa, Felix Morka, kan yunkurin mayar da hankali a kai, inda ya zargi ‘yan adawa da daukar nauyin zanga-zangar, har ma a cikin wuraren da jam’iyyar ke da karfi.
Tsohon Mataimakin Shugaban Jam’iyyar APC ya ce, maimakon a dora laifin a kan wasu jiga-jigan jam’iyyun adawa, kamata ya yi shugabannin jam’iyyar APC da gwamnati su dauki nauyi kawai.
“Idan an faɗi gaskiya, akwai yunwa a cikin ƙasa! A matsayina na dan jam’iyyar APC mai jajircewa, abin takaici ne matuka yadda hakan ke faruwa a karkashin jagorancin jam’iyyarmu.
“Wani abin da ya fi bacin rai shi ne sanarwar da Mista Felix Morka, sakataren yada labaranmu na kasa ya fitar, inda ya yi zargin cewa jam’iyyun adawa ne suka yi zanga-zangar.
“Don Mista Morka ya fitar da irin wannan maganar rashin gaskiya ya nuna abu daya ne kawai cewa shugabancin jam’iyyarmu ya yi hasararsa gaba daya, kuma a halin yanzu darajar amfanin siyasarsu ba ta kai komai ba. Wannan yana nuna a fili cewa hatta tsofaffin furucin na kasancewa masu ci gaba an jefa su ga karnuka,” ya kara da cewa.
A cewarsa, zanga-zangar da ta zo kasa da shekara guda a gwamnatin shugaba Bola Tinubu, ta bukaci gwamnati ta dauki matakin gaggawa.
Ya ce dole ne irin wannan mayar da martani a cikin larura ta magance hakikanin abubuwan da ke akwai ta yadda farashin kaya da ayyuka, musamman kayan abinci, ke tashi ta fuskar falaki, kusan sa’o’i.
Subscribe to Our VIP Newsletter
[newsletter_signup_form id=1]
