Shugabannin al’umma na gargajiyar Amurka a Jihar South Dakota na neman tallafin gaggawa sakamakon dusar ƙanƙara da tsananin sanyi da suke fuskanta.
Shugaban ƙabilar Oglala Sioux Frank Star ya faɗa wa BBC cewa ƙanƙara ta lulluɓe gundumarsu ta Pine Ridge, abin da ya sa dukkan kayayyakinsu suka ƙare saboda ba shiga ba fita.
Ƙanƙara mai tudun inci 30 na sauka a yankin sannan guguwa ta tara dalar ƙanƙarar mai tudun ƙafa 12.
Anna Halverson, wakiliyar yankin unguwar Pass Creek a gundumar, ta faɗa wa mujallar Darsha Dodge Rapid City cewa “akwai dalar ƙanƙarar da ta kai tsawon gidaje, wani zubin kamar faɗin yadi 60 zuwa 70”.
Ta ƙara da cewa: “Mun ga inda mazauna gundumar ke ƙona tufafinsu a wuta don su ji ɗumi saboda ba su da itace.”
Subscribe to Our VIP Newsletter
[newsletter_signup_form id=1]
