Wani ɗan Kenya ya cinna wa kansa wuta saboda tsadar rayuwa a birnin Mombasa na ƙasar.
Tun da farko dai mutumin ya ce yana zanga-zanga kan tsadar, kafin daga bisani ya cinna wa kansa wuta a ranar Alhamis da tsakar rana.
BBC ta taqaita cewa, ya hau kan wani wurin mutum-mutumi da ke tsakiyar wani shatale-tale kafin cinna wutar.
Wani bidiyo da ya karaɗe shafukan zumunta, ya nuna mutumin riƙe da tutar ƙasar ta Kenya yana ihu, inda nan da nan kawai sai aka ga wuta ta turnuke wajen.
Wasu mutane da ke wucewa ne suka taimaka wajen kashe wutar tare da garzaya da mutumin wani asibiti da ke kusa, inda ake yi masa jinya.
Shaidu sun ce mutumin wanda aka ba a bayyana sunansa ba, na zanga-zanga ne kan tsadar rayuwa da kuma tafka maguɗi a zaɓen shugaban ƙasa da ya gabata, wanda madugun adawar ƙasar Raila Odinga ya sha kaye a hannun Shugaba Wlliam Ruto.
Kotu dai ta tabbatar da nasarar Ruto sannan ta kori karar Mista Odinga wanda ya ce an aikata ba daidai ba a zaɓen.
An kashe dubban mutane a Kenya a baya-bayan nan yayin da ƴan sanda suka far wa masu zanga-zanga da ke neman a yi wa ɓangaren zaɓen ƙasar garanbawul da kuma kawo karshen tsadar kayayyaki.
Subscribe to Our VIP Newsletter
[newsletter_signup_form id=1]
