A cikin ƙarshen makon nan manyan ƙasashe uku da ke hada-hadar kasuwanci da Amurka na shirya wa ƙarin harajin da shugaba Donald Trump zai lafta a kan kayan da ake shiga da su Amurka daga ƙasashen.
Trump zai lafta harajin kashi 25 cikin 100 kan kayan da ake shiga da su Amurka daga ƙasashen Canada da Mexico, sai kuma kashi 10 cikin 100 kan kayan da ake shiga da su daga China.
Trump ya kuma yi alƙawarin cewa yana nan yana shirya matakin da zai ɗauka a kan kayan da ake shiga Amurka da su daga ƙasashen Tarayyar Turai.
Mutumin da ke kan gaba wajen neman muƙamin firaiministan Canada, Mark Carney, ya yi gargaɗin cewa matakin Trump na ƙaƙaba ƙarin harajin zai zama ‘ƙaiƙayi koma kan masheƙiya’ ga Amurka, inda ya ce lamarin zai rage ci gaba da Amurka ke samu, ya yi sanadin tashin farashin kaya da na kuɗin ruwa, haka nan zai rage ƙimar Amurka a idon duniya.
Subscribe to Our VIP Newsletter
[newsletter_signup_form id=1]
