Trump ya sanya hannu a samar da rumbin ajiyar kudaden Kirifto na Amurka

Shugaban kasar Amurka Donald Trump, ya sanya hannu kan dokar zartarwa domin samar da kuɗaɗen ajiya na crypto.

Babban Jami’in da ke kula da harkokin crypto a fadar White House, David Sacks, ya ce za a samar da kuɗaɗen ajiyar ne ta kuɗaɗen da aka ƙwace daga hannun masu aikata laifi da kadarorin da gwamnati ta ƙwato daga hannun mutane.

A farkon wannan makon ne Mista Trump ya zayyano kuɗaden crypto biyar da ya ce Amurka za ta mayar da hankali a kansu a kuɗaɗenta na ajiya, yanayin da ya ara darajar da tashin kuɗaɗen a kasuwa.