Donald Trump ya fara halartar shagulgulan murnar rantsar da shi da za a yi a matsayin shugaban ƙasar Amurka karo na biyu a gobe Litinin.
Za a hallara wajen walimar cin abinci da wajen wasa da wuta da kuma wajen wasan ƙwallon sanda domin bikin.
A jiya Asabar dubban mutane suka yi tattaki a titunan babban birnin kasar, Washington domin nuna damuwarsu kan makomar ƴancin haihuwa da kuma walwalar baƙi a ƙasar.
Za a gudanar da bikin rantsar da shugaban ne a zaure ba a fili ba kamar yadda aka saba saboda tsananin sanyin da ake fama da shi a Washington.
Rabon da a rantsar da wani shugaban Amurka a zaure tun Ronald Reagan a 1985, shi ma a lokacin saboda tsananin sanyi.
Trump wanda ya kasance shugaban Amurka na 45 zai sake hawa kan kujerar mulkin a matsayin shugaba na 47 bayan Joe Biden wanda ya katse masa hanzari a neman zarcewarsa karo na biyu a jere.
Subscribe to Our VIP Newsletter
[newsletter_signup_form id=1]
