Trump ya caccaki Alkalin da ya yanke masa hukunci

A karon farko tun bayan samunsa da laifi, tsohon shugaban Amurka Donald Trump ya bayyana a gangamin yakin neman zabe.

Da yake yi wa dandazon magoya bayansa jawabi a Arizona, Mr Trump ya caccaki alkalin da ya jagoranci shari’ar, da caccakar Shugaba Biden kan dokar shige da fice.

Donald Trump ya jima yana magana kan masu ƙetara iyakar Amurka daga Mexico ba bisa ka’aida ba, inda ya ce zai dawo da dubban sojin Amurka da ke ƙasashen waje domin magance matsalar.

Cikin wata 2 da ya gabata, Mr Trump ya yi ta zarya a kotunan Amurka kan laifuka daban-daban.