Jami’an tsaro sun samu nasarar damke wani jami’in Soja dauke da nadin tabar wiwi guda 81 a jihar Bauchi.
‘Yan sanda masu sintiri a kan hanyar suka tsayar da motoci a kan titi suna gudanar da bincike, wanda suka samu nasarar kama jami’in tsaron.
Kwamishanan ‘yan sandan jihar, Umar Sanda, ya bayyana cewa, jami’ansa sun tare mota kirar Toyota Highlander da wani Soja masi suna, Yusuf Gongpolai Adams wanda ke tuka motar.
Vanguard ya rawaito cewa, a jawabin da kakakin ‘yan sandan jihar ya fitar, kwamishanan ya ce, Soja na aiki ne a Batallion 145 dake Abia, amma ya zo karatu makarantar fasahar Soji dake jihar Benue,
Kimanin karfe 12 na rana a ranar Talata, jami’an sintinri a hanyar Bauchi-Darazo suka damke Yusuf Gonpolai Adams. Wanda za su mika shi ga hukumar NDLEA, domin gudanar da bincike a kan sa.
Subscribe to Our VIP Newsletter
[newsletter_signup_form id=1]
