Wani sojan ƙasar Uganda ya harbe minista da yake karewa a ƙasar.
An harbe ƙaramin ministan ƙwadagon ƙasar Kanal Charles Okello Engola mai ritaya, a gidansa da ke Kampala babban birnin ƙasar, ranar Talata da Safe.
Kawo yanzu ba a samu rahoton wani saɓanin da ya shiga tsakanin sojan da kuma ubangidan nasa ba.
Shaidun gani da ido sun ce sojan ya ci gaba da harbi a sama bayan harbe ministan, kafin daga bisani ya kashe kansa.
Rahotonni sun ce mutane da dama sun jikkata a lamarin.
Bidiyoyin da aka yaɗa a shafukan sada zumunta sun nuna yadda mutane suka taru a wajen da lamarin ya faru cikin alhini.
Subscribe to Our VIP Newsletter
[newsletter_signup_form id=1]
