Wasu ‘yan bindiga da ake zargin masu garkuwa da mutane ne, sun yi garkuwa da wani jami’in ‘yan sanda reshen shiyya da aka mayar da shi sashin Pankshin na jihar Filato.
An yi garkuwa da sabon Baturen ‘Yan Sandan wato DPO din, wanda ba a iya tantance sunansa a ranar Laraba a otal din da ya sauka a karamar hukumar.
Wata majiya ta shaidawa DAILY POST cewa ‘yan bindigar da yawan gaske, sun mamaye otal din ne da misalin karfe 10:45 na dare, inda suka yi awon gaba da shi da bindiga, suka kuma kai shi inda ba a sani ba.
Ya kara da cewa, “masu garkuwa da mutane sun yi ta harbe-harbe da dama a iska kafin daga bisani su shiga otal din da misalin karfe 10:45 na dare. Ya kasance kamar DPO ne aka yi musu hari; sun harbe shi a kafa kafin a tafi da shi.”
A cewar majiyar, jami’an rundunar ‘yan sandan jihar Filato da sauran jami’an tsaro na cikin dajin da ke yankin suna yin iyakacin kokarinsu na ganin sun kubutar da dan sandan daga hannun wadanda suka sace shi.
DSP Alfred Alabo, jami’in hulda da jama’a na rundunar ‘yan sandan jihar, bai iya tabbatar da sace shi ba, saboda ba a amsa kiran da aka yi a wayarsa.
Subscribe to Our VIP Newsletter
[newsletter_signup_form id=1]
