Zaɓaɓɓen shugaban ƙasa, Bola Ahmed Tinubu, zai yi bulaguron aiki zuwa Turai daga ranar Laraba.
Wata sanarwa da ofishin zaɓaɓɓen shugaban ƙasar ya fitar, na cewa Tinubu zai yi amfani da bulaguron domin lura da shirye-shiryen miƙa mulki da tsare-tsarensa, ba tare da fuskantar damuwa da yawan ɗauke hankali ba.
”A yayin ziyarar, zaɓaɓɓen shugaban ƙasar zai gana da masu zuba jari da manyan abokan hulɗar kasuwanci domin samar da damar zuba jari a ƙasar ƙarƙashin mulkinsa da aka shirya sabbin tsare-tsaren kasuwanci”, kamar yadda sanarwar ta bayyana.
Gabanin tafiyar tasa, Tinubu ya gana da Hon. Tajudeen Abbas da Hon. Benjamin Kalu waɗanda jam’iyyar APC ke mara wa baya domin zama kakakin majalisar wakilan ƙasar da mataimakinsa.
Ana sa ran Tinubu zai koma ƙasar gabanin rantsar da shi a matsayin sabon shugaban ƙasar ranar 29 ga watan Mayu.
Subscribe to Our VIP Newsletter
[newsletter_signup_form id=1]
