Tinubu ya yi musabaha da Obasanjo da Goodluck a Ghana

Shugaban Najeriya Bola Tinubu ya haɗu da fuskokin da ya daɗe da sani a gida wajen ƙasar a wurin bikin rantsar da sabon Shugaban Ƙasar Ghana John Mahama.

Tsofaffin shugaban Najeriya Olusegun Obasanjo da Goodluck Jonathan na cikin mutanen da ya yi musabaha da su a wurin bikin.

Kazalika, ya haɗu da shugaban Ghana da ya bar gado, Nana Akupo-Addo a birnin Accra a yau Litinin.

“Ba ni da wata tantama gwamnatin John Mahama za ta kawo sauyi mai albarka,” in Tinubu yayin jawabinsa a wurin biki.