Shugaba Bola Tinubu ya jajanta wa gwamnati da al’ummar kasar Libiya, sakamakon mummunar barnar da guguwar Daniel ta yi da kuma ambaliyar ruwa da ta yi illa ga yankunan gabashin kasar.
Wannan dai na zuwa ne a daidai lokacin da kungiyoyin bincike suka gudanar da bincike kan tituna, da rugujewar gine-gine da ma teku, a wani barna a gabashin kasar Libya a ranar Laraba, inda hukumomi suka ce ambaliyar ruwa ta yi sanadin mutuwar mutane akalla 5,100, inda ake sa ran adadin zai karu.
Shugaba Tinubu a cikin wata sanarwa da mai taimaka masa kan harkokin yada labarai, Ajuri Ngelale, ya fitar a ranar Laraba, ya kuma jajanta wa dukkan iyalan da suka rasa ‘yan uwansu a wannan babban bala’i, tare da mika fatan samun sauki cikin gaggawa ga duk wadanda suka samu raunuka yayin wannan mummunan lamari.
Hakazalika, ya tabbatar wa al’ummar kasar Libya irin hadin kai da fatan alheri a Nijeriya a cikin wadannan lokuta masu wuyar gaske, ya kuma kara da cewa, wannan hasarar rayuka, da gidaje, da ababen more rayuwa, da muhimman ababen more rayuwa, wani abin bakin ciki ne da ke kara hada kan al’ummar kasashen biyu.
Subscribe to Our VIP Newsletter
[newsletter_signup_form id=1]
