Tsohon mai taimaka wa tsohon shugaban kasa, Goodluck Jonathan a kan harkokin yada labarai, Reno Omokri, ya bukaci jagoran jamâiyyar APC na kasa, Bola Tinubu, da kada ya kori mai taimaka masa, saboda ya rufe masa hanci.
Omokri ya bayyana haka ne a lokacin da ya ke mayar da martani ga faifan bidiyo da ke nuna Tinubu ya jike ta bayan rigar sa, bayan ya tashi ya yi jawabi ga wasu magoya bayansa a fadar Awujale na Ijebuland da ke Ijebu Ode.
A cikin faifan bidiyon, an ga wani mutum sanye da kwat, wanda ake kyautata zaton jamiâan tsaro ne na Tinubu, ya na kallon rigar a lokacin da yake rufe hancinsa.
Da yake mayar da martani, Omokri, a wani sakon da ya wallafa a shafinsa na Twitter a daren Lahadi, ya yi kira ga âyan jarida da su taimaka wajen gano maâaikacin Tinubu wanda ya rufe hancinsa.
Ya kuma yi alkawarin taimaka masa ya samu wani aiki idan aka kore shi.
Omokri ya wallafa a shafinsa na Twitter cewa: âIna kira ga âyan jarida masu bincike da su taimaka wajen gano maâaikacin Tinubu wanda ya rufe masa hanci. Na yi alkawarin taimaka masa ya sami wani aiki idan an kore shi. Babu wanda ya cancanci a kore shi, saboda ya rufe hancinsa yayin da iskar ta gurbata ta dalilin sakin turare na musamman.â
Subscribe to Our VIP Newsletter
[newsletter_signup_form id=1]
