Tsohon dan wasan baya na Brazil, Thiago Silva na iya komawa tsohuwar kungiyarsa ta Fluminense.
Rahotanni sun bayyana cewa, kungiyar ta Brazil na shirin dawo da tsohon kyaftin din Paris Saint-Germain cikin tawagarta a kakar wasa ta 2024.
Silva dai ya koma Chelsea ne daga PSG kan cinikin kyauta a kakar wasa ta 2020 kuma ya taimaka wa kungiyar ta dauki kofuna uku har da gasar zakarun Turai.
Karanta Wannan:Arsenal na zawarcin Kante daga Chelsea
Silva, mai shekaru 38, kwanan nan ya rattaba hannu kan sabuwar kwangilar shekara guda a Stamford Bridge, wanda zai tsawaita zamansa a Landan har zuwa lokacin bazara na 2024.
Dan jarida dan kasar Chile Jose Tomas Fernandez Pumarino yanzu ya ruwaito cewa kungiyar ta Brazil na fatan zawarcin tsohon dan wasan bayan ya koma kasarsa idan kwantiraginsa da Chelsea ya kare a shekara mai zuwa.
Ya wallafa a shafinsa na Twitter cewa: “Thiago Silva, tare da kwantiraginsa da Chelsea har zuwa karshen kakar wasa mai zuwa, yana daya daga cikin burin Fluminense na kakar wasa ta 2024 kuma tuni sun fara aiki kan tsarin da za su cimma yarjejeniyar sa hannu a watan Janairu ko Yuli.”
Subscribe to Our VIP Newsletter
[newsletter_signup_form id=1]
