Takaicin Obaseki ne ya sa Shua’aibu ya koma APC -Oshiomhole

Sanatan Edo ta Arewa, Adams Oshiomhole a ranar Asabar ya ce, mataimakin gwamnan jihar, Philip Shaibu ya sauya sheka zuwa jam’iyyar All Progressives Congress, APC.

Oshiomhole ya ce Shaibu ya sauya sheka zuwa APC ne saboda takaicin da ya sha a hannun Gwamna Godwin Obaseki.

Sanatan yayi magana ne a UNIBEN a yayin babban taron yakin neman zaben jam’iyyar All Progressives Congress, APC, na yakin neman zaben gwamna.

Ya zargi Obaseki da karkatar da kudade da kason kudi daga Gwamnatin Tarayya, da aka tanada domin gudanar da ayyuka a jihar, a cikin aljihunsa na sirri.

A ranar 21 ga watan Satumba ne al’ummar jihar Edo za su yanke shawara kan gwamnan su na gaba.

‘Yan takarar da za su fafata a zaben gwamnan da za a yi ranar Asabar din nan sun hada da Monday Okpebolo na jam’iyyar APC, Asue Ighodalo na jam’iyyar Peoples Democratic Party, PDP, da Olumide Akpata na jam’iyyar Labour Party, LP.

DAILY POST ta ruwaito cewa Obaseki da Shaibu sun sha fama da rashin jituwa tsakanin su.

Rikicin ya kai ga tsige Shaibu da majalisar dokokin jihar Edo ta yi.

Amma wata kotun daukaka kara da ke zama a Abuja ta mayar da Shaibu mataimakin gwamna.

Da yake magana a filin yakin neman zaben, Oshiomhole ya ce: “A karkashin Obaseki ne kawai mataimakinsa ya sauya sheka zuwa APC saboda bacin ransa.

“Obaseki ya ki sanya hannu kan yarjejeniyar zaman lafiya. Sun kashe dan sandan da ke tare da gwamnan mu suna jira amma Obaseki ya yi gargadin cewa kada a kama su.”6

Subscribe to Our VIP Newsletter

[newsletter_signup_form id=1]