Shugaban hukumar karbar korafe-korafen jama’a a Ukraine Oleh Kotenko ya ce sojojin kasar kusan 7200 ne suka bata tun lokacin da Rasha ta kaddamar hare-hare a Ukraine.
Jami’in ya shaida wa gidan Talabijin na TV Channel cewa, mafiya yawa daga cikinsu na hannun dakarun Rasha
Mista Kotenko ya ce da fari Sojojin kasar sun bayar da rahoton cewa dakaru 2000 ne suka bace.
To amma ya ce adadin ya zarta haka, inda ya kara da cewa ”Hukumarmu ta samu labarin cewa mutum 7200 ne ba a gani ba”
Ya kuma yi fatan cewa ko ba-jima, ko ba-dade za su dawo gida ta hanyar musanya su da fursunonin Rasha da ke hannun hukumomin kasar
Kawo yanzu dai kasashen biyu ba su ce uffan ba game da batun. In ji BBC.
Duka kasashen dai na ikirarin kame dubban fursunonin yaki tun farko fara yakin a watan fabrairu.
Subscribe to Our VIP Newsletter
[newsletter_signup_form id=1]
