Rundunar sojoji da na ruwa, sun yi wa manyan hafsoshi 177 karin girma.
Majalisar sojin kasa ta amince da karin girma ga manyan hafsoshi 122 daga mukamin Birgediya Janar zuwa Manjo Janar da Kanar zuwa Birgediya Janar.
Manyan hafsoshin da aka yiwa karin girma dai sun hada da Birgediya Janar 52 da Kanar 70.
Rundunar sojin ruwan Najeriya ta yi wa manyan hafsoshi 55 karin girma, wadanda suka kunshi kyaftin 25 da hadiman soja 30.
Daraktan hulda da jama’a na rundunar Birgediya Janar Onyema Nwachukwu wanda ya bayyana hakan a wata sanarwa da ya fitar ranar Juma’a ya ce karin girma da aka yi musu ya yi ne domin nuna kyakkyawar hidimar da suke yi wa kasa.
Sanarwar ta ce: “Daga cikin wadanda aka kara wa mukamin Manjo Janar akwai Birgediya-Janar AA Ayanuga na Sashen Sauya Sauyi da Kirkirar Sojoji; EH Akpan na Theatre Command Operation Hadin Kai; NM Jega na hedikwatar tsaro; JO Ugwuoke na Sashen Kula da Dabarun Sojoji; PAO Okoye na Sashen Ayyuka na Sojoji; EF Oyinlola na Sashen Ayyuka na Musamman da Shirye-shirye.
AA Adekeye na 21 Special Armored Brigade; AE Edet na Makarantar Injiniyoyin Lantarki da Injiniyan Sojan Najeriya; AB Mohammed na Hedkwatar Sojojin da ke Sa ido kan Ayyuka; da MT Usman na Hedkwatar Guards Brigade.
“Sauran wadanda suka amfana sun hada da Birgediya Janar IM Abdullahi na hedikwatar Brigade 35; AO Agboola na Sashen horar da sojoji; EE Emekah na Kwalejin Tsaro ta Najeriya; HE Nzan na Sashen Ma’auni da Ƙimar Sojoji; LA Lebo na Sashen Horar da Sojoji; UT Otaru na Makarantar Sojoji da Sufuri ta Najeriya; da AU Obiwulu na 1 Base Workshop, da sauransu.
Subscribe to Our VIP Newsletter
[newsletter_signup_form id=1]
