Rundunar Sojan Ruwa ta Najeriya, SOROH, ta kara kaimi wajen gudanar da aikin bincike a yankin Bayelsa.
Kwamandan NNS SOROH, Commodore Olushina Ojebode ne ya bayyana hakan a garin Diebu dake Kudancin Ijaw.
Sojoji sun gano tare da lalata kayayyakin da aka tace ba bisa ka’ida ba a cikin sintiri tsakanin 22 zuwa 29 ga watan Janairu.
Kwamandan ya ce an gano lita 17,000 na kayayyakin da ake zargin an samar da su daga cikin danyen mai da aka sace a wani gini da ke unguwar Diebu da ke karamar hukumar Ijaw ta Kudancin Bayelsa.
Kaftin Suleiman Abdulahi ya wakilce shi, ya bayyana cewa, aikin ya yi dai-dai da rundunar sojojin ruwan Najeriya ta Operation Delta Sanity, wanda aka kafa domin kawo karshen satar mai da kuma tudun mun tsira.
A cewarsa, aikin wanda ke da nufin yaki da satar danyen mai, tara mai ba bisa ka’ida ba, da sauran laifuffuka daban-daban a cikin muhallin ruwa na kasar, ya zuwa yanzu an samu nasarori, musamman a yankin na Sojan ruwan Najeriya SOROH.
Ya kara da cewa, tawagar sojojin ruwa da aka tura a tashar tsaro ta Naval (NNS 030) a lokacin da suke sintiri a yankin Zion na al’ummar Ezetu, a Kudancin Ijaw, sun gano man fetur da aka tace ba bisa ka’ida ba, kwatankwacin ganguna hudu ko kuma lita 1,200.
“Ci gaba da sintiri a cikin al’ummar Gbaran ya kai ga kama wani kwale-kwalen katako da ke jigilar buhu 275 na AGO da aka tace ba bisa ka’ida ba, kwatankwacin ganguna 55 ko kuma lita 16,500.
“Dukkan abubuwan da aka kwato an yi su ne da wasu tsare-tsare kan aikin satar danyen mai.
Subscribe to Our VIP Newsletter
[newsletter_signup_form id=1]
