Dakarun runduna ta musamman ta 21 da ke Bama a jihar Borno, sun kama wani dan leken asiri na kungiyar ta’adda ta Boko Haram, Modu Babagana.
Politics Nigeria ta samu labarin cewa, Babagana ya tsere daga tsaren sojoji a Bama.
An fara kama dan ta’addan ne mai neman afuwar a watan Janairun 2020, saboda gudanar da ayyukan leken asiri kan sojoji a yankin Bama da Banki. Amma kwanaki kadan bayan an kai Babagana gidan yari, rahotanni sun ce, ya yi amfani da laya wajen saukaka tserewa daga gidan yari.
Daga bisani, hukumomi sun bayyana cewa ana neman sa.
A cikin makon nan ne aka sake kama shi tare da taimakon jami’an rundunar hadin gwiwa ta Civilian Task Force a babbar kasuwar garin Bama a lokacin da yake aikin sayan kayan aikin ‘yan ta’adda da makudan kudade.
A yayin gudanar da bincike na farko, wanda ake zargin ya amsa cewa, ya sa ido tare da bayyana inda sojojin suke da kuma motsin su ga mayakan na Boko Haram.
Subscribe to Our VIP Newsletter
[newsletter_signup_form id=1]
