Fitaccen mawaƙin gambarar nan dan kasar Amurka, Snoop Dogg ya roki, mawakiyar Najeriya Tems, da ta yi wa Allah ta amince su yi waka tare.
Mawakin ya bayyana hakan ne a wani bidiyo da ya karade shafukan sada zumunta, in da aka ji yana cewa ta amince da bukatarsa domin shi da iyalinsa masoya wakokinta ne.
Fitaccen mawakin ya zuwa yanzu kididdiga ta nuna ya sayar da kundin wakokinsa fiye da miliyan 23 a kasar, da kuma fiye da miliyan 35 a sauran kasashen duniya.
A hannu guda kuma mawakiyar Najeriya Tems ta fara fice a duniya ne a shekarar 2020, bayan ta yi fitowa ta musamman a wakar mawaki Wizkid mai suna Essence, kuma daga baya wani fitaccen mawakin duniya Justin Bieber shi ma ya kara nasa baitukan a cikinta.
Wannan ya sanya ta samu shiga rukunin zakarun wakokin shekarar, kamar yadda jaridar Aminiya ta rawaito labarin. Daga nan ne kuma Tems ta yi waka da fitaccen mawakin duniya Drake mai suna Fountain.
A halin yanzu dai Tems na rukuni na uku na wadanda za su iya lashe lambobin yabo na Grammy karo na 65 da za a gudanar.
Subscribe to Our VIP Newsletter
[newsletter_signup_form id=1]
