Siyasar Kano ta dauki sabon salo yayin da wasu manyan hadiman tsohon gwamnan jihar, Rabiu Musa Kwankwaso suka ziyarci Ibrahim Shekarau a Abuja a ranar Alhamis da ta gabata.
Shugaban ma’aikatan tsohon gwamna Kwankwaso, Adamu Dangwani, tare da tsohon dan majalisar tarayya, Danburam Nuhu, tsohon kwamishina, Yusuf Danbatta da Hadiza Adado; wadanda suka kasance makusantan Kwankwaso, sun ziyarci Shekarau a Abuja kan sauya yanayin siyasa a jihar.
Majiyoyi sun bayyana cewa, bakin na kokarin shawo kan babban abokin adawar ubangidan nasu domin ya dawo jam’iyyar Peoples Democratic Party (PDP), wanda ya bari gabannin zaben 2019 saboda dawowar Kwankwaso jam’iyyar, rahoton Premium Times.
APC ta gamu da gagarumin cikas a wata jihar kudu yayin da kansiloli 5 suka fice, sun koma PDP Siyasar Kano: Makusantan Kwankwaso sun lallaba sun gana da Shekarau, suna kokarin sake jawo shi PDP Hoto:
Shekarau ya koma jam’iyyar APC ne bayan PDP ta mika shugabancinta a jihar ga Kwankwaso, wanda ya kasance dan jam’iyyar tun bayan kafata a 1998, har zuwa lokacin da ya koma sabuwar APC a 2014. Yanzu, Kwankwaso na shirin sake sauya sheka daga PDP zuwa jam’iyyar New Nigeria Peoples Party (NNPP).
Subscribe to Our VIP Newsletter
[newsletter_signup_form id=1]
