Shuraim ya yi bankwana da limancin masallacin Ka’abah

A yanzu dai ta tabbata cewa Sheikh Saud Ash Shuraim ya bar limanci a Masallacin Ka’abah bayan da hukumar da ke kula da manyan masallatai biyu mafiya tsarki na duniya wato masallacin Makka da kuma na Madina ta fitar da jerin sunayen limaman da za su jagoranci sallar Tarawi, kuma ba sunanshi.

Tun a watan Janairu rahotanni suka bayyana cewa wani daga cikin fitattun limaman ɗaya daga cikin manyan masallatan biyu ya bar aikin.

Karanta Wannan: Ighalo da Ronaldo na takarar zura kwallaye a gasar Saudiyya

Amma kuma sai a watan jiya na Fabarairu ta bayyana cewa limamin da zai yi ritayar shi ne Sheikh Saud Ash Shuraim.

Sai dai ba a bayyana dalilan da suka sa lilamin ya yi ritaya haka da wuri ba, amma kuma wasu kafofi sun nuna cewa shi da kansa ya buƙaci barin limancin.

Limamin wanda ya shafe shekara 32 yana jagorantar sallah, ya ja sallarsa ta ƙarshe a masallacin na Ka’abah ranar Litinin 12 ga watan Rabi Al Awwal 1443 ( Litinin 18 ga watan Oktoba 2021).

Subscribe to Our VIP Newsletter

[newsletter_signup_form id=1]