Dakarun rundunar Operation Whirl Stroke (OPWS) da rundunar soji ta gudanar a jihohin Binuwai, Nasarawa da kuma Taraba, sun kama Leggi Jibrin, wani fitaccen sarkin wata kungiyar ‘yan bindiga da ke addabar jihar Nasarawa da kewaye.
Wata majiya mai tushe a shelkwatar OPWS da ke Makurdi ta shaida wa Daily Independent cewa, dakarunsu sun kama Jibrin ne a kauyen Agam/Gidan Bawa da ke karamar hukumar Nasarawa a jihar Nasarawa a ranar Larabar da ta gabata.
Har ila yau, sojojin da aka tura a Ugya a karamar hukumar Toto ta jihar sun ceto wasu mutane biyar da aka yi garkuwa da su daga hannun wadanda suka yi garkuwa da su a ranar Alhamis din makon jiya.
Sai dai an tattaro cewa lokacin da masu garkuwan suka hangi sojojin, sai suka yi watsi da wadanda abin ya shafa suka gudu daga yankin.
Subscribe to Our VIP Newsletter
[newsletter_signup_form id=1]
