Shugaban kungiyar kwallon kafa ta Bayern Munich, Herbert Hainer, ya nuna shakku kan matakin da dan wasan bayan kungiyar Niklas Sule, ya dauka na barin kungiyar a karshen kwantiraginsa na komawa Borussia Dortmund.
Dortmund ta sanar a ranar Litinin cewa, ta riga ta kulla yarjejeniya da dan wasan baya na Jamus, wanda zai koma kungiyar daga Bayern a karshen kakar wasa ta bana.
Dan wasan mai shekaru 26 ya amince da kwantiragin shekaru hudu a filin wasa Signal Iduna Park, bayan da ya yanke shawarar kin tsawaita kwantiraginsa da Bayern, wanda zai kare a karshen 2021-22.
Koyaya, Hainer ya nuna shakku kan shawarar da Sule ya yanke na zabar abokan hamayyar Bundesliga, maimakon tayin da za a iya samu daga gasar Premier da LaLiga.
“An riga an tattauna da shi a Dortmund, kuma akwai hasashe Real Madrid da Manchester City da wasu na neman sa, amma ban yi tunanin zai zama zabi na farko ba,” Hainer ya shaida wa Bild.
Subscribe to Our VIP Newsletter
[newsletter_signup_form id=1]
