Shettima ya tafi Gabon taron rantsar da shugaban ƙasa

Mataimakin shugaban Najeriya Kashim Shettima ya tafi ƙasar Gabon domin halartar bikin rantsar da zaɓaɓɓan shugaban ƙasar, Brice Clotaire Oligui Nguema.

Shettima zai wakilci shugaban Najeriya Bola Tinubu ne a taron bikin, wanda a yanzu haka yake ziyarar aiki ta kwana biyu a jihar Katsina da ke arewacin ƙasar.

Nguema ya lashe zaɓen ƙasar ne da aka yi a watan Afrilun da ya gabata, bayan ya yi watanni yana mulkin riƙon-ƙwarya.

A wata sanarwar da mai magana da yawun mataimakin shugaban ƙasar, Stanley Nkwocha ya fitar, ya ce, “Mataimakin shugaban ƙasar koma Najeriya bayan bikin rantsuwar.”