Tsohon dan majalisar dokoki, Shehu Sani, ya mayar da martani game da rufe wani katafaren kanti da gwamnan jihar Kano, Abdullahi Ganduje ya yi, saboda ya ki karbar tsoffin takardun kudin Naira.
Sani yace hukuncin yayi tsauri. Bayanin hakan na kunshe ne a wani sako da ya fitar ta shafin sa na Twitter da aka tabbatar a ranar Lahadi.
Ku tuna cewa Hukumar Kare Kayayyakin (KCPC) ta jihar Kano, bisa umarnin Ganduje, ta rufe katafaren kasuwar WellCare, saboda kin karbar tsoffin takardun Naira.
KCPC ta ce babban kanti na WellCare ya ki karbar tsoffin takardun naira daga hannun kwastomomi sabanin umarnin gwamnatin jihar na ci gaba da karban su.
Majalisar ta kuma ce za a dauki matakin shari’a kan babban kanti.
Sai dai Sani ya bayyana yadda aka yiwa babban kanti a matsayin danniya.
Subscribe to Our VIP Newsletter
[newsletter_signup_form id=1]
