Da alama sannu a hankali abubuwa na ci gaba ƙwabewa a jam’iyyar APC mai mulki a jihar Kano, yayin da wasu jiga-jigan gwamnan jihar Kano Dr. Abdullahi Ganduje, Ali Makoda da wasu fitattun ‘yan siyasa a jihar suka fice daga jam’iyyar zuwa sabuwar jam’iyyar New Nigeria People’s Party. (NNPP).
Makoda ya tabbatar da sauya shekar sa ga Sanata Rabiu Kwankwaso da ke jagorantar NNPP a wata tattaunawa da ya yi da Daily Nigerian a ranar Juma’a.
Ya ce, tuni ya mika takardar murabus dinsa a matsayin shugaban ma’aikata ga Ganduje da safiyar yau.
An tarbi Makoda ne a gidan Mista Kwankwaso’s Miller Road da ke Kano tare da wasu masu sauya sheka daga Kano ta Arewa.
Daga cikin wadanda suka sauya sheka daga APC zuwa NNPP akwai Badamasi Ayuba, dan majalisar tarayya mai wakiltar mazabar Dambatta/Makoda; Murtala Kore, dan majalisar dokokin jiha mai wakiltar Dambatta da; Abdullahi Wango, shugaban karamar hukumar Dambatta.
Sauran sun hada da Ahmed Speaker, Oditan APC na Jiha; Najib Abdussalam, shugaban matasan APC na shiyyar; Umar Maitsidau, tsohon shugaban karamar hukumar Makoda; Halliru Danga Maigari, tsohon dan majalisar tarayya mai wakiltar Rimingado/Tofa da; Hafizu Sani Maidaji, tsohon dan majalisar jiha mai wakiltar mazabar Dambatta.
Subscribe to Our VIP Newsletter
[newsletter_signup_form id=1]
