Saura kiris Arsenal ta dauki maciyin kwallo

Ƙungiyar Arsenal na shirin ɗaukar ɗan wasan gaban Sporting CP, Viktor Gyokeres kamar yadda jaridar wasanni ta football365 ta ruwaito.

Arsenal ta fuskanci matsalolin ƴanwasan gaba a kakar wasan da ke dab da ƙarewa, yayin da ƙungiyar da gaza lashe kowane irin kofi.

Bayan ƙarewa a mataki na biyu a Gasar Premier da samun gurbin zuwa Gasar Zakarun Turai ta baɗi a yanzu hankalin ƙungiyar ya karkata kan samun ɗan wasan gaba, domin sake gina kanta.

A ƙarshen kakar wasa da muke ciki ne Gyokeres ɗan asalin Sweden zai bar ƙungiyar Sporting bayan ƙarewar kwantiraginsa, kamar yadda Fabrizio Romano fitaccen ɗanjaridar wasanni ya bayyana a shafinsa na X.