Saudiyya ba ta dakatar da aikin Umara ba – Ma’aikatar Aikin Hajji

Gwamnatin kasar Saudiyya ta musanta jita-jitar da ake ta yaɗawa game da dakatar da ayyukan Umara saboda yaɗuwar annobar Korona.

Wata majiya a Ma’aikatar Aikin Hajji ta Saudiyya ta shaida wa shafin Haramain Sharifain, cewa babu shirin yin hakan ya zuwa yanzu.

Sai dai ta yi kira ga mahajjata da su ci gaba da bin dokokin yaƙi da cutar.

A kwanakn baya hukumomin Masallatan Harami biyu suka dawo da dokar ba da tazara a masallatan biyu, bayan ƙaruwa a yaɗuwar nau’in Korona na Omicron.

Gwamnatin Saudiyya ta hana baƙi zuwa ƙasar, domin gudanar da aikin Hajji da Umara a 2020, sannan aka taƙaita adadin masu gudanar da ibadar ta shekara-shekara, sakamakon annobar. In ji BBC.