Mai martaba Sarkin Kano na 15, Alhaji Aminu Ado Bayero ya soke duk wasu shirye-shiryen gudanar da sallar Idi na bana, saboda dalilan tsaro.
Hakan na cikin wata sanarwa mai dauke da sa hannun sakataren masarautar, Malam Awaisu Abbas Sanusi wanda ya kara da cewa an cimma matsayar ne bayan tuntubar juna.
Ya ce Masarautar ta tattauna da jami’an tsaro da sauran masu ruwa da tsaki, inda suka bayar da misali da yiwuwar tabarbarewar tsaro daga wasu marasa gaskiya.
Awaisu ya kara da cewa matakin dakatar da duk wani shiri na durbar shine don kare rayuka da dukiyoyin al’ummar jihar.
Ba wannan ne karon farko da aka yanke irin wannan hukunci ba.
An kuma aiwatar da irin wannan dakatarwar a lokacin bikin Eid-el-Fitr da ya gabata a farkon wannan shekarar, inda kuma aka dakatar da jerin gwano saboda irin wadannan dalilai.
Masarautar ta bukaci mazauna yankin da su ci gaba da yin addu’o’in samun zaman lafiya da kwanciyar hankali a Kano da ma Najeriya baki daya.
Sanarwar ta zo ne a daidai lokacin da jihar Kano ta amince da masarautu, karkashin jagorancin Khalifa Muhammadu Sanusi II ya fara shirye-shiryen gudanar da bukukuwan Sallah duk da gargadin da ‘yan sanda suka yi.
Subscribe to Our VIP Newsletter
[newsletter_signup_form id=1]
