Sarki Charles ya mika ta’aziiyar mutuwar Fafaroma

Sarki Charles III na Birtaniya, wanda ya haɗu da Fafaroma Francis a farko-farkon wannan wata na Afurilu ya ce shi da mai ɗakinsa na matuƙar alhinin rasuwar jagoran cocin na Katolika.

Sarkin ya bayyana haka ne a saƙon ta’aziyya da fadar Buckingham ta fitar bayan rasuwar fafaroman da safiyar yau Litinin.

Sarki Charles da Sarauniya Camilla sun gana da fafaroman ne lokacin da suka kai ziyarara a ƙasar Italiya, inda suka gana da shi kuma ya musu fatan alheri kan cikar su shekara 20 da aure.

Sanarwar ta ce: “za a riƙa tunawa da marigayin bisa tausayinsa, da son hadin kan cocin da kuma rashin gajiyawarsa wajen haɗin kan addinai, da kuma sauran masu son ganin ci gaban al’umma.