Sai mun siyar da kadarori za mu cike gibin kasafi – Gwamnati

Sakamakon girman giɓin da ake da shi a kasafin kuɗin na 2023, gwamnatin tarayya ta tsara sayar da wasu daga cikin kamfanonin lantarki don cike giɓin.

Gwamnatin ta ɗauki matakin ne yayin da ya rage ƙasa da wata shida ta sauka daga mulki.

Za a sayar da kadarorin cikin wata ukun farko na 2023, amma za a buɗe shirin sayar da su a wannan watan na Disamba zuwa ƙarshen Maris.

A watan Oktoba da ya gabata Shugaba Muhammadu Buhari, ya gabatar da kasafin na 2023 da ya kai naira tiriliyan 20 dala miliyan 45, kasafi na ƙarshe kenan da gwamnatinsa za ta yi.

Gwamnati kan aiwatar da kasafin ne da kuɗin da take samu daga kuɗaɗen man fetur, wanda farashinsa ya gamu da cikas tun daga shekarar 2020, da kuma satar man da tsageru ke yi a yankin Neja-Delta da ke kudancin ƙasar