Wata ‘yar tseren keke ƴar Najeriya a gasar Olympics ta 2024, Ese Ukpeseraye, ta bayyana cewa sai da ta karbi aron keke daga hannun takwararta ta Jamus domin shiga gasar Keirin da Gudu.
Ukpeseraye ta bayyana hakan ne a wani rubutu da ta wallafa a shafinta na X ranar Alhamis.
Ta yi ikirarin cewa hakan ya faru ne saboda gajeriyar sanarwar da aka ba ta.
“Saboda gajeriyar sanarwar da na yi na yin taere a Keirin & Sprint, #teamNigeria Ba ni da keken da zan yi tsere da shi.
“A cikin ruhun wasan motsa jiki, tawagar Jamus @bunddeutscherradfahr ta kawo min agaji ta hanyar ba ni keke.
“Na gode,” Ukpeseraye ta rubuta.
Wannan na zuwa ne kwanaki bayan da wata ‘yar wasan Najeriya, Favor Ofili, ba ta yi rajistar shiga gasar gudun mita 100 na mata ba.
A karshe Ofili ta yi tsere a tseren mita 200, inda ta kare a matsayi na shida a wasan karshe
Subscribe to Our VIP Newsletter
[newsletter_signup_form id=1]
