Liverpool ta amince ta sayar wa Bayern Munich dan wasanta Sadio Mane a kan yuro miliyan 41.
Munich za ta biya yuro miliyan 32 kan dan wasan tare da karin milyan shida na tsarabe-tsarabe bisa shigarsa wasanni, da kuma karin milyan uku idan ya nuna kwazo.
Sau biyu Liverpool tana yin watsi da tayin da Bayern ta yi mata kafin ta amince ta sayar da dan wasan mai shekara 30, wanda kwantaraginsa da Reds za ta kare a ƙarshen kakar wasa mai zuwa.
Liverpool ta saye shi daga Southampton a shekarar 2016 kan fan miliyan 31 da karin miliyan 2.5 na tsarabe-tsarabe.
Tun daga wancan lokacin, Mane ya zira kwallaye 90 na Gasar Firimiya a raga wasannin da ya yi wa kungiyar, sannan ya kammala kakar wasan da ta wuce da cin kwallaye 23 a gasa daban-daban da ya yi wa Liverpool.
Subscribe to Our VIP Newsletter
[newsletter_signup_form id=1]
