Fim din da fitaccen jarumin fina-finan India na Bollywood Shahrukh Khan,ya yi na baya bayan nan wato Pathaan da za a sakI a mako mai zuwa ya zamo abin tattaunawa duba da irin hasashen da ake zai dauki hankali.
Tun bayan da aka saki tallan fim din mutane ke ta magana a akai kasancewa jarumin ya kwana biyu bai fito a fim ba, kamar yadda BBC ta rawaito. Shahrukh Khan, wanda jarumi ne da ake son shi ba a kasarsa ta India ba, har ma da sauran kasashen duniya, ya shafe shekaru hudu bai fito a fim ba sai a 2023. Jarumin mai shekaru 57 da haihuwa, ya fito da karfinsa a wannan karon a fim din Pathaan bayan a baya ya yi fina-finan da ba su yi wani fice ba.
Ana ganin irin abubuwan da suka faru da jarumin a baya kamar batun kama babban dansa Aryan, inda aka tuhumeshi da ta’ammali da kwayoyi ya janyo masa koma a fina-finan da ya yi a lokutan. Sabon fim din sa na Pathaan, ya kunshi manyan jarumai kamar Deepika Padukone da kuma John Abraham.
A yanzu ba a kasar India ba kadai, har ma da wasu kasashen duniya babu zance da ake a game da fina-finan Bollywood kamar fim din Pathaan, mutane jira suke kawai a sake shi. An kiyasta cewa tun da aka saki tallan fim din a makon da ya wuce, mutane miliyan 49 sun kalleshi a shafin YouTube, haka ma a shafin Tiwita ana ta magana a kansa.
Subscribe to Our VIP Newsletter
[newsletter_signup_form id=1]
