Dan wasan gaba na Chelsea, Joao Felix, ya yi hasashen cewa, Cristiano Ronaldo na Al-Nassr zai kafa tarihi a gasar cin kofin Saudi Pro League.
Felix ya dage cewa babu abin da ya rage wa Ronaldo ya yi nasara a Turai, inda ya kara da cewa takwarorinsa na Portugal za su taka rawar gani a Gabas ta Tsakiya.
Ronaldo dai ya sha fama da tashin hankali a bara bayan rashin samun tagomashi da kocinsa Erik Ten Hag wanda ya kai ga kawo karshen kwantiraginsa na Manchester United.
Dan wasan mai shekaru 38 ya yi bankwana da kwallon kafa a Turai lokacin da ya koma Al-Nassr a matsayin dan wasa a watan Disambar bara.
Dan wasan wanda ya lashe kyautar Ballon d’Or sau biyar ya zura kwallaye hudu a wasan da kungiyarsa ta doke Al-Wehda da ci 4-0 a ranar Alhamis.
Da yake magana da AS, Felix, wanda ya koma Chelsea a matsayin aro daga Atletico Madrid, ya ce: “Babu abin da ya rage masa [Ronaldo] ya yi nasara a Turai. Ya rubuta sunansa a cikin littattafan tarihi, yanzu kuma zai rubuta sunansa a cikin littattafan tarihi a Saudiyya.
Subscribe to Our VIP Newsletter
[newsletter_signup_form id=1]
