Tsohon Sanata mai wakiltar Kaduna, Shehu Sani, ya shawarci hukumomi da su gujewa abin da zai kawo tashin hankali a fadar Sarkin Kano.
A yau ne aka ga an jibge jami’an yan sanda da motocin yaki suka mamaye fadar Sarkin Kano tun da misalin ƙarfe 6 na safe.
Lamarin na da nasaba da shirin Sarkin Kano Muhammadu Sanusi na nada hakimin garin Bichi ba.
A wani bayani da ya wallafa ta kafar sada zumunta ta X, Shehu Sani ya bayyana cewa: “Don zaman lafiya, ya kamata a yi taka-tsan-tsan wajen amfani da ƙarfin iko don gujewa tashin hankali a rikicin sarautar Kano.”
Ba wannan ne karo na farko da ake samun cece-kuce game da sarautar Kano ba.
A tun watan Mayu, gwamna Abba Yusuf ya tsige tsohon Sarki Aminu Ado Bayero a lokacin da yake kasar waje, sannan ya maye gurbinsa da mayar da Sarkin Kano na 16, Muhammadu Sanusi II, wanda aka koma fadar Kofar Kudu.
Daga bisani, Bayero ya dawo jihar ya zauna a karamar fadar Nassarawa, lamarin da ya haifar da shari’o’i daban-daban masu goyon baya da kuma masu adawa da matakin da gwamnatin jiha ta dauka.
Subscribe to Our VIP Newsletter
[newsletter_signup_form id=1]
