Tsohon gwamnan jihar Kano, Ibrahim Shekarau wanda ke jagorantar wani bangare na jam’iyyar APC a Kano, ya ki amsa gayyatar ofishin sufeto Janar na ‘yan sanda, Usman Alkali.
PlatinumPost ta samu labarin cewa Usman Alkali ya gayyaci Shekarau ne tare da wasu ‘yan kungiyarsa.
Haka kuma an mika goron gayyata ga jiga-jigan jam’iyyar masu biyayya ga Gwamna Abdullahi Ganduje.
Tuni dai tsagin Ganduje sun amsa wannan gayyatar tare da karbar bayanansu kuma ‘yan sanda su ka sallame su.
Sai dai wata majiya mai tushe a gidan Louis Edet da ke Abuja ta shaida wa PlatinumPost cewa babu daya daga cikin ‘ya tsagin Shekarau da su ka amsa gayyatar.
“A gaskiya zan iya gaya muku cewa ba su zo ba, ina maganar ’yan Shekarau ne, amma dayan bangaren sun zo mun yi abin da a ke bukata kuma sun tafi.
Subscribe to Our VIP Newsletter
[newsletter_signup_form id=1]
