Rashin tsaro ne ya mamaye gwamnatin Buhari – Obasanjo

Tsohon shugaban kasa, Cif Olusegun Obasanjo ya bayyana cewa rashin tsaro ne ya mamaye gwamnatin shugaban kasa Muhammadu Buhari.

Obasanjo ya bayyana haka ne a gidansa da ke dakin karatu na Olusegun Obasanjo Presidential Library (OOPL), da ke Abeokuta, jihar Ogun, yayin da ya karbi bakuncin dan takarar shugaban kasa na jam’iyyar Peoples Democratic Party (PDP), Dr. Ugochukwu Williams, da tawagarsa.

Sai dai ya shawarci ‘yan Najeriya da kada su bari lamarin ya mamaye su.

Tsohon shugaban kasar ya ce, maganin rashin tsaro a kasar nan ya wuce mutum daya, amma yana bukatar hadin kan masu ruwa da tsaki.

Ya bayyana harin na baya-bayan nan da aka kai kan jirgin kasan Kaduna zuwa Abuja inda aka tabbatar da mutuwar mutane 8, wasu 46 suka jikkata, wasu kuma an ce sun bace a matsayin wani babban lamari, inda ya ce babu inda za a sake samun tsaro a kasar.

Idan dai za a iya tunawa, gwamnan jihar Kaduna, Nasir El-Rufai, ya sha alwashin daukar hayar sojojin haya daga kasashen waje idan har sojojin Najeriya suka kasa dakile hare-haren da ‘yan ta’adda ke kai wa a yankin sa.

Subscribe to Our VIP Newsletter

[newsletter_signup_form id=1]