Kocin Real Madrid, Carlo Ancelotti ya gargadi Chelsea gabanin wasan da kungiyarsa za ta yi da kungiyar ta Premier a daren Laraba a Santiago Bernabeu.
Ancelotti ya ce, rashin nasarar da Real Madrid ta yi a gasar La Liga da Villarreal da ci 3-2 a ranar Asabar ba zai shafi kwarin gwiwar kungiyarsa ba lokacin da ta karbi bakuncin Chelsea a gasar cin kofin zakarun Turai.
Dan kasar Italiya ya kalli kwallon da Samuel Chukwueze ya zura a raga da kuma kwallon da Jose Luis Morales ya ci ta baiwa Villareal nasara akan Real Madrid.
Karanta Wannan: Chukwueze ya kafawa Real Madrid tarihi har gidan ta
Ancelotti ya ce “Game da gasar zakarun Turai, wannan rashin nasara [3-2 Real Madrid ta yi rashin nasara a hannun Villarreal] ba zai yi tasiri ga kwarin gwiwarmu a wasan Laraba (da Chelsea) ba, wanda zai bambanta,” in ji Ancelotti a taron manema labarai bayan wasan.
“Zan iya amfani da goma sha ɗaya daga Camp Nou. A yau na sauya ’yan wasa da yawa saboda wasan da suka yi da Barcelona ya dauke mu da yawa a jiki da tunani,” inji shi.
Karfe 8 na dare ne lokacin da za a buga gasar cin kofin zakarun Turai.
Subscribe to Our VIP Newsletter
[newsletter_signup_form id=1]
