Rasha ta lallata komai a birnin Severodonetsk – Ukraine

Wani babban jami’i a gabashin Ukraine ya ce, sojojin Rasha na “lalata komai” a muhimmin birnin Severodonetsk, inda bangarorin biyu ke ci gaba da gwabzawa da juna.

Gwamnan yankin Luhansk, Serhiy Haidai, ya ce sojojin Ukraine sun yi nasarar kwace kusan kashi biyar na birnin – amma ba a tabbatar da ikirarin nasa ba.

Ya ce Rasha na rasa dakaru da kayan yaki da dama, yayin da suka yi yunkurin fadada nasararsu.

Ya ƙara da cewa Ukraine na bukatar karin makamai masu cin dogon zango daga ƙawayenta domin fatattakar sojojin Moscow. In ji BBC.