Masu zanga-zanga fiye da 600 aka kama a garuruwan Rasha 21, a cewar wata ƙungiya mai lura da lamurra OVD-Info, bayan sun fito nuna ƙin jinin yaƙin da ƙasarsu ta ƙaddamar a Ukraine.
Ƙungiyar ta ambato kafofin yaɗa labarai na Rasha na cewa an tsare mutum fiye da 200 a birnin Novosibirsk da ke yankin Siberia.
Jagoran adawa Alexi Navalny ya yi kiran a fito zanga-zanga a manyan dandali da ke ƙasar da ƙarfe 2:00 agogon ƙasar (12:00 agogon Najeriya) a biranen Moscow da St Petersburg.
An daɗe ana tsare da masu zanga-zangar ƙin jinin gwamnati a Rasha. OVD-Info ta ce, aƙalla mutum 8,000 aka tsare ko aka kama a Rasha tun bayan ƙaddamar da yaƙi a Ukraine kwana 11 da suka wuce. A rahoton BBC.
Subscribe to Our VIP Newsletter
[newsletter_signup_form id=1]
