Rasha ne suka lalata mana madatsar ruwan mu – Ukraine

Shugaban Ukraine, Volodymyr Zelensky ya zargi Rasha da dasa nakiyoyi a wata madatsar ruwa da ke yankin Kherson a kudancin kasar wadda ke karkashin ikon sojojin Rashar.

Shugaban ya ce idan har aka lalata cibiyar samar da hasken wutar lantarkin ta Kakhhovka, za su shiga cikin bala’i.

Ya ce: “A bayanan da muka samu madatsar ruwan ta Kakhhovka cike take da nakiyoyi da ƴan ta’addan Rasha suka dasa.”

Ya ƙara da cewa dubban mutane ne da ke kewayen Kogin Dnipro za su kasance cikin hadarin ambaliya.

Mista Zelensky ya fada wa taron shugabannin Turai a Brussels cewa Rasha na son ba da damar a mayar da wuraren makamashi a matsayin fagen daga.