Ma’aikatar tsaron Birtaniya ta ce, luguden wutar da Rasha ke yi a kan wuraren da farar hula ke zaune, yunƙuri ne na karya gwiwar mazauna Ukraine.
Cikin bayanan sirri da Birtaniya ke bayarwa a kullum, ma’aikatar ta ce, har yanzu jajircewar sojojin Ukraine na bai wa Rasha mamaki wadda daga baya ta fara kai wa garuruwan Kharkiv da Chernihiv da Mariupol hare-hare.
Birtaniya ta kwatanta ayyukan Rasha a Ukraine da waɗanda ta yi a Syria a 2016 da kuma yaƙin Chechnya a 1999, lokacin da Rasha ta ragargaza gine-gine.
Rahoton ya ce, harin da sojojin Ukraine ke kaiwa kan hanyoyin dako ya haddasa wa dakarun Rasha tsayawa cak ba tare da ci gaba da nausawa ba.
Subscribe to Our VIP Newsletter
[newsletter_signup_form id=1]
