Dakarun Rasha na ci gaba da ruwan wuta a biranen da ke gabashi da kudancin Ukraine, yayin da sojojin na amfani har da makamai masu linzami wajen kai hare-haren.
A birni na biyu mafi girma a Ukraine wato Kharkiv, an shafe tsawon dare ana ɓarin wuta.
Sannan an kai hari da makaman atilare a wasu yankunan Luhansk da Donetsk—inda ake hasashe lamura za su sake muni nan da makwanni – yayin da Rasha ke ƙara girke sojoji a waɗannan yankuna.
Kazalika, an zafafa hare-hare a Mariupol, wanda suka yi wa ƙawanya da luguden wuta fiye da wata ɗaya.
An ƙiyasta kusan mutum 130,000 ne suka maƙale a yankunan.
“Ana yi mana ruwan wuta ta ko’ina, a waje muke girki, ruwan sha ya yi wuya, muna matukar bukatar agaji,” a cewar wata mazauniyar Mariupol.
A wani yankin kuma, Rasha ta lalata wani defon man fetur da ke kusa da birnin Dnipro, sannan sun far wa yankin Vinnytsia da ke tsakiyar Ukraine da kuma Redekhiv da ke yammaci.
Subscribe to Our VIP Newsletter
[newsletter_signup_form id=1]
